TERCERO B

- Hirugarrena B -

Zuzendaria Jose Mari Goenaga

Berandu da atzera bueltatzeko. Gizona, 40 urtekoa, bajua. Emakumea, Irene, pixka bat gazteagoa, 42 neurrikoa. Norgehiagoka hasi da. Bitxiena da ez direla etxe horretara joan elkarri aurre egiteko. Baina bien errua da egoera hori sortu izana. Bada biek ezagutzen duten sekretu bat eta ezin daitekeena kanpora atera. Ez, ekidin ahal badute behintzat...

Zuzendaria

JOSE MARI GOENAGA

Ordizia, 1976. Manchester eta Donostian Enpresa Administrazioa ikasi ondoren, Urnietako Sarobe zentroan errealizazio ikastaroa egin zuen. 2001ean, beste batzuekin batera, Moriarti Produzkioak ekoizpen enpresa sortu zuen. Zuzendu dituen film laburrez gain (Tercero B, Sintonia, Lagun mina eta Renovable), animazio film luze bat (Supertramps), dokumental bat (Lucio) eta bi fikzio film (80 egunean eta Loreak) idatzi eta zuzendu ditu beste batzuekin batera.