TRAUMALOGÍA

- Traumalogia -

Zuzendaria Daniel Sánchez Arévalo

Antonio bost anairen arteko zaharrena da, eta bere ezkontzan aitari bihotzekoak emango dio. Ezkontza bertan behera geratu eta familia guztia erietxera joango da. Bertan, tentsioz betetako gau luze batean, familiako trauma eta miseria guztiak azalaraziko dira.

Zuzendaria

DANIEL SÁNCHEZ ARÉVALO

Madril, 1970. Film laburren esparruan egin duen ibilbidea 150 sari baino gehiago lortu dituzten dozena bat filmek bermatzen dute. Hauek, besteak beste, Goya sarietan nominazio bat izan dute (Exprés – Espres), eta Oskarren aurretiko hautaketan (Física II – Fisika II) eta Veneziako Mostrako sail ofizialean (La culpa del alpinista – Alpinistaren errua) egon dira.

Film luzeen esparruari dagokionez, estreinaldia Azul Oscuro Casi Negro (Urdin iluna, ia beltza) film luzearekin egin zuen. 50 sari lortu zituen mundu osoko jaialdietan eta 3 Goya sari ere jaso zituen. 2009an bere bigarren film luzea estreinatu zuen, Gordos, eta 2010ean Primos lana zuzendu zuen.

Orain bere laugarren filma zuzentzen dihardu, La gran familia española.