MINERITA

- Emakumezkoen westerna -

Zuzendaria Raúl de la Fuente

Potosiko Cerro Rico (Bolivia) legerik gabeko lurraldea da, indarkeria izugarrikoa. Meatzariek bizitza arriskatzen dute meazulo kalamastra horietan, zilarra eta zinka ateratzeko. Onik irteten direnek edozertarako eskubidea dutela uste dute. Eta emakume-ehizari ekiten diote. Minerita gauzain edo meatzari lanetan diharduten Lucíaren (40), Ivoneren (16) eta Abigailen (17) historia da, bizitzeko egokia ez den infernu horretan bizirik irauteko egin behar duten borroka kontatzen duena. Arma handirik ez dute, ez bada kemena… eta dinamita.

Zuzendaria

RAÚL DE LA FUENTE

Iruña, 1974. Zinema zuzendari, gidoilari eta ekoizlea da. 2015ean Oscar sarietako 88. Edizioan dokumental erako film labur onenaren sailean finalista izan zen Minerita lanarekin. Kategoria berean Goya saria irabazi zuen lan horrek, eta orain arte, 130 zinema jaialditan 45 sari baino gehiago irabazi ditu. Gaur egun, Un día más con vida animazio eta irudi errealeko filma zuzentzen ari da, Ryszard Kapuscinski berriemailearen izen bereko nobelan oinarritutakoa.