Moritat hilketei buruzko Europa erdiko herri-kanta zaharrak dira. Horietako bat da Zela Trovke eslovakiarra, eta Holland Baroque Society-k bere Barbaric Beauty kantutegirako berreskuratu du. Maite Larburu aipatutako orkestrako biolin-jotzailearen eskutik jakingo dugu zertaz ari den abestia.
Bergara, 1969. Hainbat film luzetan teknikari lanetan aritu ondoren, zuzendaritzari heldu zion Telmo Esnalekin batera, eta biek batera idatzi eta zuzendu zituzten Txotx eta 40 ezetz film
laburrak, Aupa Etxebeste! film luzea eta Brinkola telebista-seriea. Berak bakarrik lau film labur (Topeka, Sarean, Artalde eta ZelaTrovke) eta Bertsolari film luze dokumentala idatzi eta
zuzendu ditu, guztiak nazioarteko zinemaldietan aurkeztu dira eta sari ugari irabazi dituzte. 2008an Txintxua Films produkzio-etxea sortu zuen eta fikziozko film luze bat ari da produzitzen
gaur egun, berak landutako gidoi batekin eta bere zuzendaritzapean.