Euxebiri aita hil zioten gerran. Gaztaroan frankismoaren errepresioa jasan zuen, eta gaur arte, diktadura aspaldi amaitua egonagatik ere, ez du bere aitaren oroimena berreskuratzeko aukerarik izan. Urteak haren bila eman eta gero, azkenik hobia ireki dutenean, Euxebik argazki bat utzi du bere aitaren hezurren ondoan.
Bego Vicario, Paula Huarte, Miriam Inza, Jugatx Astorkia, Itxaso Navarro, Beñat Barandika, Usue Egia, Esteban Ramos, Naiara Gallego, Sergio Martínez, Aitor Oñederra, Kote Camacho, Oihana LENnda, Arrate López, Izibene Oñederra, Alots Arregi, Andere Molinuevo, Ximon Agirre, Jon Munarriz, Zaloa Ipiña.
Hogei euskal artista gazteren sortze-lan kolektiboaren emaitza da Areka. Euskal kultur molde tradizionala (bertsolaritza) ikus-entzunezko esperimentazioarekin uztartu da, Andoni Egañak lan honetarako propio sortutako bertso bat erabilita. Egile guztien artean egin da lan, teknikak, lan moduak eta esperientziak trukatuz eta elkarrekin ikasiz. Hartara, filmak koherentzia bisual garrantzitsua du.